Kabergolin-Orville

Tarkibi: Kabergolin

Chiqarilish shakli: Tabletkalar

Ko‘rsatmalar: Fiziologik laktatsiyani oldini olish va tug‘ruqdan keyin uni to‘xtatish; giperprolaktinemiyani davolash (amenoreya, oligomenoreya, anovulyatsiya, galaktoreya); gipofizning prolaktin ajratuvchi adenomalari (mikro- va makroprolaktinomalar); idiopatik giperprolaktinemiya; “bo‘sh turk sedlasi” sindromidagi giperprolaktinemiya.

Qo‘llash mumkin bo‘lmagan holatlar: Kabergolingа yoki boshqa ergot-alkaloidlarga yuqori sezuvchanlik; fibroz o‘zgarishlar yoki ularning tarixda bo‘lishi (klapan fibrozi, plevroperikardial yoki retroperitoneal fibroz); EKG bilan tasdiqlangan yurak klapanlari nuqsonlari; 16 yoshgacha; laktaza yetishmovchiligi, laktoza intoleransi, glyukoza-galaktoza malabsorbsiyasi.

Qo‘llash usuli va dozalari: Ovqat bilan birga og‘iz orqali. Laktatsiyani to‘xtatish uchun — tug‘ruqdan keyin darhol 1 mg (2 ta tabletka) bir marta. Rivojlangan laktatsiyani to‘xtatish uchun — 0,25 mg har 12 soatda 2 kun davomida (jami 1 mg); bitta doza 0,25 mg dan oshmasligi kerak. Giperprolaktinemiyada — haftasiga 1 marta 0,5 mg dan boshlanadi, kerak bo‘lsa har oy 0,5 mg ga oshiriladi (odatda 1 mg/hafta; oraliq 0,25–2 mg/hafta; maksimal — 4,5 mg/hafta). Tabletkani haftasiga bir marta yoki 2 dozaga bo‘lib ichish mumkin.

Yon ta'sirlari: Bosh aylanishi, bosh og‘rig‘i, charchoq, uyquchanlik, depressiya, zaiflik, paresteziya, hushdan ketish, asabiylik, xavotirlik, uyqusizlik, e’tibor buzilishi; ko‘ngil aynishi, qayt qilish, epigastral og‘riq, qorinda og‘riq, qabziyat, dispepsiya, og‘iz qurishi, diareya, meteorizm; yurak urishining tezlashishi, past qon bosimi, ortostatik gipotenziya; ko‘krak og‘rig‘i, hayz buzilishi, burun qonashi, rinit, “issiq bosish”, vaqtincha ko‘rish buzilishi, tomir spazmlari, mushaklar qaltirashi, grippga o‘xshash simptomlar, letargiya, ko‘z atrofida va periferik shishlar, ishtahasizlik, akne, bo‘g‘im og‘rig‘i. Postmarketingda: soch to‘kilishi, KFK oshishi, maniya, nafas qisishi, shish, fibroz, jigar faoliyatining buzilishi, yurak klapani patologiyasi, qimor o‘yinlariga qaramlik, giperseksualizm, agressiya, ruhiy buzilishlar, perikardit, to‘satdan uyqu bosishi, tana vaznining o‘zgarishi, burun bitishi.

Boshqa dorilar bilan o‘zaro ta'siri: Dopamin antagonistlari (fenotiazinlar, butirofenonlar, tioxantenlar, metoklopramid) va makrolidlar (eritromitsin) bilan birga qo‘llash tavsiya etilmaydi. Boshqa ergot-alkaloidlar va bosimni tushiruvchi dorilar bilan uzoq muddatli birga qo‘llashdan saqlaning.

Ogohlantirishlar: Davolashni boshlashdan oldin va har 6–12 oyda yurak klapanlarini baholash uchun EKG o‘tkazilsin. Agar fibroz yoki klapan patologiyasi belgilar paydo bo‘lsa — dori to‘xtatilsin. Ortostatik gipotenziya va to‘satdan uyqu bosishi chaqirishi mumkin. Homiladorlik va emizishda faqat zarur hollarda va shifokor nazoratida qo‘llanilsin.

Yosh bo‘yicha cheklovlar: 16 yoshdan boshlab

Homiladorlik davrida qo‘llash: Homiladorlik va emizishda tavsiya etilmaydi; faqat zarurat bo‘lsa va shifokor nazorati ostida qo‘llanadi.

Ishlab chiqarilgan mamlakat: Janubiy Koreya

Ishlab chiqaruvchi: Dongkoo Bio&Pharma Co., Ltd.

Saqlash shartlari: 1–30°C da, germetik idishda, bolalar ololmaydigan joyda saqlansin. Muzlatmang.